शिक्षण क्षेत्राला पूर्णपणे वाहून घेतलेल्या माझी शाळा ब्लॉगवर मी परशुराम शिंदे आपले सहर्ष स्वागत करत आहे..!

Sunday, 23 February 2020

वरिष्ठ वेतन श्रेणी फरक बिल एक्सेल 2020


नमस्कार !

सांगली जिल्ह्याचे कर्तव्यदक्ष मुख्य कार्यकारी अधिकारी मा. अभिजीत राऊत साहेब यांची ठोस भूमिका आणि महाराष्ट्र राज्य जुनी पेन्शन हक्क संघटनचा पाठपुरावा यामुळे यावर्षी देखील महाराष्ट्रात प्रथम सांगली जिल्ह्यात वरिष्ठ वेतन श्रेणी मंजूर झाली. आता शिक्षकांचे फरक बिल काढण्यासाठी एक्सेल घेऊन आलो आहे. आपल्याला निश्चितच उपयोग होईल.


वरिष्ठ वेतन श्रेणी एक्सेल कशी वापरावी या संदर्भातील व्हिडिओ पाहण्यासाठी खाली दिलेल्या बटणावर क्लिक करा.

वरिष्ठ वेतन श्रेणी एक्सेल फाईल डाऊनलोड करण्यासाठी खाली दिलेल्या बटणावर क्लिक करा.



एक्सेलचा वापर करून फरक बिल तयार करणे-
१) सुरुवातीला Input या पेज वरील तक्त्यात कर्मचाऱ्यांची सर्व माहिती भरून घ्यावी.
२) Difference या शिटवर कर्मचार्‍याच्या नावासमोर असणाऱ्या पिवळ्या चौकटीत Input या शिट वरील कर्मचाऱ्याचा अनुक्रमांक नंबर टाकून एंटर करा.
३) आपले फरक बिल तयार झालेले दिसते.

खाली दिसणार्‍या अनावश्यक कोऱ्या चौकटी घालवण्यासाठी खालील प्रमाणे कृती करा-
१) Difference शिट ओपन करा.
२) REVIEW बटण मधून किंवा  शिटच्या नावावर राईट क्लिक करून Unprotect Sheet वर क्लिक करा.
३) पासवर्ड विचारला जाईल, pdshinde हा पासवर्ड टाका व OK करा.
४) जितक्या रो नको आहेत तितक्या रो डावीकडील रो नंबर सिलेक्ट करा व राइट क्लिक करून Hide करा, डिलीट करू नका.

महत्त्वाच्या सूचना-
१) सर्व शीट एकमेकांशी लिंक केल्या आहेत, त्यामुळे कोणतीही शीट डिलीट करू नये, असे झाल्यास एक्सेल काम करणार नाही.
२) Difference शीट अनप्रोटेक्ट केल्यानंतर शिट मध्ये इतरत्र कोठेही क्लिक करू नये. त्या ठिकाणचा एखादा फॉर्म्युलाला निघून गेला तर आपले कॅल्क्युलेशन चुकू शकते.
३) आपल्याला माहिती फक्त Input या पेजवरच भरायची आहे, इतरत्र ती आपोआप घेतली जात असल्याने इतर कोठेही काहीही टाईप करू नये.
४) संगणकाचा डेट फार्मॅट दिनांक,महिना,वर्ष ( DDDMMYYYY ) असाच असायला हवा. आपला संगणकाचा डेट फॉर्मेट महिना अगोदर व तारीख नंतर असा दिसत असेल तर कॅल्क्युलेशन चुकीचे येते.
५) सदर शिट संगणक किंवा लॅपटॉपवरच योग्यप्रकारे काम करेल. मोबाईलवर योग्य प्रकारे काम करेल याची खात्री देता येत नाही.

Tuesday, 28 January 2020

दिव्यांगाचे / अपंगत्वाचे २१ प्रकार

ही माहिती PDF मध्ये डाऊनलोड करण्यासाठी खाली दिलेल्या बटणावर क्लिक करा.


(१) पूर्णतः अंध - (Blindness)
दृष्टिचा पूर्णपणे अभाव म्हणजेच पूर्ण दृष्टिहीन असणे,
डोळे जन्मतः बंद असणे.
हालचाल करताना अडचणी येतात.
(२) अंशतः अंध - (Low Vision)
सामान्य दृष्टीपेक्षा कमी दिसणे.
दूरचे/जवळचे कमी दिसणे.
पुस्तकातील मजकूर पाहताना, वाचताना लिहिताना, अडचणी येतात.
उपचार करूनही डोळ्यांना बरोबर न दिसणे.
(३) कर्णबधिर - (Hearing Imapairment)
कोणताही आवाज ऐकू न येणे,
कमी ऐकू येणे,
(४) वाचा दोष - (Speech and Language Disability)
अडखळत बोलणे, स्पष्ट न बोलणे, शब्दांची तोडफोड करणे.
बोलताना शब्द मागे पुढे करणे, त्यात तारतम्य नसणे यालाच 'वाचा दोष' असे म्हणतात.
जीभ जाड असणे, जिभेला शेंडा नसणे, तोतरे बोलणे.
टाळूला छिद्र असणे.
• clept palete.
(५) अस्थिव्यंग -(Locomotor Disability)
ज्यांची हाडे ,सांधे, स्नायू हे योग्य प्रकारे कार्य करत नाही अशा मुलांना ‘अस्थिव्यंग मुले' असे म्हणतात.
हालचाल करण्यास अक्षम.
सहज दिसणारे अपगत्व,
(६) मानसिक आजार - (Mental Illness)
असामान्य किंवा अस्वाभाविक वर्तन,
खूप कमी बोलणे किंवा खूप जास्त बोलणे.
भयानक स्वप्न पडणे.
भ्रम आभास असतो.
कोणत्याही वस्तूला पटकन घाबरतात किंवा घाबरत नाही.
(७) अध्ययन अक्षमता -(Learning Disability)
वाचन, लेखन, गणितीय क्रियांत अडचण .
आकलन करण्यास अवघड जाते.
| अंक ओळखण्यात गोंधळ, अक्षर उलटे लिहणे, शब्द गाळून वाचणे.
काही मुलांमध्ये वर्तन समस्या असतात.
कमी संभाषण दिसून येते.
बुध्यांक सामान्य किंवा त्यापेक्षा जास्त राहू शकतो.
विशिष्ट अध्ययनात अडचणी येतात.
(८) मेंदूचा पक्षाघात - (Cerebral Palsy)
हालचालींवर नियंत्रण नसते.
अवयवांमध्ये ताठरता असते.
मेंदूचा शरीरावर ताबा राहत नाही.
हालचालीची क्षमता कमी असते.
(९) स्वमग्न - (Autism)
स्वतःच्याच विश्वात हरवलेले असतात.
भाषिक कौशल्य कमी विकसित झालेले असतात.
बदल न आवडणे, त्या बदलाला तात्काळ राग व्यक्त करणे.
खेळणी, वस्तू यांसोबत अधिक रमतात.
(१०) बहुविकलांग - (Multiple Disability)
एक किंवा जास्त अपंगत्व असते.
अशा ब-याच मुलांना चालताना, बोलताना, उभे राहताना, शि- श असे दैनंदिन कार्य करताना
समस्या असतात. (ADL)
(११) कुष्ठरोग - (Leprosy Cured Persons)
हा सावकाश पसरणारा जिवाणूजन्य आजार आहे.
त्वचेवर चट्टे, काळे डाग असतात.
हात, पाय, बोटे सुन्न पडतात.
(१२) बुटकेपणा - (Dwarfism)
सामान्य मुलांपेक्षा खूप कमी उंची असते.
(१३) बौधिक अक्षमता - (Intellectual Disability)
बौद्धिक क्षमता(IQ) ७० पेक्षा कमी असते.
दैनंदिन कार्य, सामाजिक कार्य, दैनंदिन व्यवहार करण्यास कठीण जाते.
तार्किक प्रश्न सोडवताना अडचणी येतात.
नवीन वातावरणात समायोजन करताना अडचणी येतात.
काही मुलांना वर्तन समस्या असतात.
(१४) मांसपेशीय क्षरण - (Mascular Disability)
गटागटाने मांसपेशी कमकुवत होतात .
उभे होताना हाताचा व गुडघ्याचा आधार घ्यावा लागतो.
० मुलींपेक्षा मुलांमध्ये हा आजार जास्त असतो .
(१५) मज्जासंस्थेचे तीव्र आजार - (Chronic Neurological Conditions)
मेंदूमध्ये सेंट्रल नर्व्हस सिस्टिममध्ये विकृती झाल्याने हा आजार होतो.

(१६) मल्टिपल स्क्ले रोसिस - (Multiple sclerosis)
. हातापायातील स्नायूमधील ताठरपणा किंवा कमजोरी संवेदनांमध्ये परिवर्तन होतो.
स्नायूमध्ये शिथिलता येते व स्नायू काम करणे कमी करतात.
मलमूत्र क्रियांवरील नियंत्रण कमी होते व कार्य कमी होते.
(१७) बॅलॅसेमिया - (Thalassemia)
रक्ताची कमतरता
वारंवार रक्त पुरवावे लागते.
चेहरा सुकलेला असतो.
वजन वाढत नाही.
श्वास घेण्यात त्रास होतो.
वारंवार आजारी पडतात.
(१८) अधिक रक्तस्राव - (Hemophilia)
० हा आनुवांशिक रक्तविकार आहे.
रक्त वाहिन्यांतील बिघाडामुळे हा रोग होतो.
यामध्ये रक्तस्राव होतो.
जखमा झाल्यास अधिक रक्तस्राव होतो .
कधी कधी रक्तस्राव थांबत नाही.
रक्तस्राव बंद न झाल्याने शरीराचा भाग फुगतो.
(१९) सिकल सेल - (Sickle Cell Disease)
रक्ताचे प्रमाण कमी असणे.
रक्ताच्या कमतरतेमुळे शरीराचे अवयव अशक्त होतात.
शरीरातील पेशींचा आकार विळ्यासारखा होतो.
हिमोग्लोबीनचे प्रमाण कमी होऊन थकवा जाणवतो.
(२०) ऍसिड अटॅक - (Acid Attack Victim)
• ऍसिड अटॅकमुळे चेहरा, हात, डोळे यांवर परिणाम होतो.
त्वचा भाजल्यासारखी दिसते.
चेहरा विद्रुप होतो.
(२१) कंपवात रोग - (Parkinson's Disease)
डोपामिन रेणूच्या अभावामुळे रोग्याला कंप सुटतो.
हालचाली संथ होतात, स्नायू ताठर होतात .
वजन कमी होत जाते.
५० ते ६० वयाच्या दरम्यान होतो.



Monday, 16 September 2019

म.न.पा. शिक्षक 7 वा वेतन आयोग वेतन निश्चिती एक्सेल

महानगर पलिका शिक्षकांची वेतन निश्चिती व माहे सप्टेंबर 2019 पर्यंतचे फरक बील काढण्यासाठी सदर एक्सेल तयार करण्यात आलेली असून ती डाऊनलोड करण्यासाठी व वापरासंबंधी सुचना वाचण्यासाठी खाली दिलेल्या बटणावर क्लिक करा.


Wednesday, 7 August 2019

भारतीय स्वातंत्र्यदिन स्पेशल



महाराष्ट्र राज्य जुनी पेन्शन हक्क संघटन सांगलीचे जिल्हाध्यक्ष श्री. अमोल शिंदे सर यांनी स्वतः लिहीलेली चौथीपर्यंतच्या विद्यार्थ्यांना सहज पाठ होणारी 19 भाषणांची pdf फाईल डाऊनलोड करण्यासाठी खाली दिलेल्या बटणावर क्लिक करा.

इतर भाषणे-
आपल्याला आवडलेले भाषण  किंवा माहिती पीडीएफ स्वरुपात डाऊनलोड करायची असेल तर त्याच पानावर खाली शेवटी डाऊनलोड बटण दिलेले आहे. आपण प्रिंट काढून वापर करु शकता. भाषणे व माहिती पाहण्यासाठी खाली दिलेल्या शिर्षकावर क्लिक करा.

1. मराठी भाषणे ( 25 भाषणे )

2. हिंदी भाषणे ( 15 भाषणे )

3. इंग्रजी भाषणे ( 12 भाषणे )

4. भाषण संग्रह - एकत्रित फाईल

5. लहान मुलांसाठी भाषणे

6. शालेय भाषण संग्रह

7. 15 ऑगस्ट - सूत्रसंचालन

8. 15  ऑगस्ट - रांगोळी डिझाईन्स

9. 15 ऑगस्ट - घोषणा

10. विविध फलक लेखन  नमुने

11. भारतीय राष्ट्रध्वज - संपूर्ण माहिती

12. मूळ 7 कडव्यांचे झण्डागीत

13. देशभक्तीपर गीते ( निवडक 30 गीते )

Saturday, 15 June 2019

7 वा वेतन आयोग फरक एक्सेल

नमस्कार शिक्षक बंधू भगिनींनो ,
आपल्या सर्वांना माहिती आहे अंशदान परिभाषित योजना अर्थात डीसीपीएस योजना लागू असणाऱ्या शिक्षकांसाठी सातव्या वेतन आयोगाचा फरक रोखीने देण्यात येणार आहे. यावर्षी 1 जुलै 2019 रोजी पहिला हप्ता जमा होणार आहे. त्यासाठी आपला एकूण फरक किती मिळणार आणि त्यातील पहिला हप्ता  किती जमा होईल याची आकडेमोड करण्यासाठी सदर एक्सेल तयार केलेली आहे. ही एक्सेल डाऊनलोड करण्यासाठी खाली दिलेल्या बटणावर क्लिक करा.



वरच्या बटणावर क्लिक करून डाउनलोड केलेली एक्सेल फाईल कशी वापरावी यासंदर्भातील मार्गदर्शक व्हिडिओ पाहण्यासाठी खाली दिलेल्या युट्युब चिन्हावर क्लिक करा.

Friday, 14 June 2019

शालेय पोषण आहार 6.1

नमस्कार शिक्षक बंधू भगिनींनो !
मी या आगोदर तयार केलेले शालेय पोषण आहार एक्सेल सॉफ्टवेअर महाराष्ट्रातील असंख्य शिक्षक बंधू भगिनी वापरत आहेत, त्याबाबतचे आपले असंख्य अभिप्राय मी वाचले आहेत ! 

नवीन एक्सेल सॉफ्टवेअर 6.1 आपल्या हाती देताना विशेष आनंद होत आहे. हे सॉफ्टवेअर देखील आपल्याला खूप आवडेल अशी खात्री आहे. 

नवीन एक्सेल सॉफ्टवेअर 6.1 डाउनलोड करण्यासाठी व वापर करण्यासंधर्भातील महत्वाच्या सुचना वाचण्यासाठी खाली दिलेल्या बटणावर क्लिक करा.

Friday, 3 May 2019

7 वा वेतन आयोग - सर्व विकल्प एक्सेल शिट

सर्व प्रकारच्या शिक्षकांना ( 1 जानेवारी 2016 नंतर ग्रपे बदललेला असो अगर नसो, प्रमोशन, चटोपाध्याय मिळालेले असो अगर नसो ), सर्व प्रकारचे विकल्प निवडता येतील अशा पद्धतीची एक्सेल शीट तयार करण्यात आलेले असून खाली दिलेल्या बटणावर क्लिक करून ती डाउनलोड करून घेता येईल.

अतिशय महत्वाचे-

ज्या दिवसाचा विकल्प आपण निवडत आहात, त्या दिवसाचेच बेसिक व ग्रेड पे INPUT ठिकाणी लिहावे. उदा. आपण 1 जुलै 2016 चा विकल्प निवडल्यास 1 जुलै 2016 चेच बेसिक व ग्रेड पे लिहावा.



Sunday, 24 March 2019

सातवा वेतन आयोग वेतन निश्चिती एक्सेल

सातव्या वेतन आयोगानुसार आपला पगार किती होतो तसेच फरक बीलाची रक्कम किती होईल हे पाहण्यासाठी दोन वेगवेगळ्या पद्धतीच्या एक्सेल शीट उपलब्ध करून दिल्या आहेत त्या वापरण्यासंदर्भातच्या सूचना व एक्सेल डाऊनलोड करण्यासाठी खाली दिलेल्या बटनवर क्लिक करा.
( एक्सेल शीट वापरत असताना काही अडचण येत असल्यास आपली अडचण माझ्या 9011116046  या व्हाट्सअप नंबर वर पाठवावी, कृपया फोन करू नये. )

31 मार्च 2019 अखेर फरक बील काढण्यासाठीची एक्सेल डाऊनलोड करण्यासाठी खाली दिलेल्या लिंकवर क्लिक करा. 




Tuesday, 19 February 2019

वरिष्ठ वेतनश्रेणी फरक बील एक्सेल

23/10 च्या शासन निर्णयानंतर महाराष्ट्रात सर्वप्रथम सांगली जिल्ह्यात वरिष्ट वेतनश्रेणी मंजूर करण्यात आली. यासाठी महाराष्ट्र राज्य जुनी पेन्शन हक्क संघटन सांगली टीमने केलेले अथक परिश्रम आणि सांगली जिल्ह्याचे कर्तव्यदक्ष मुख्य कार्यकारी अधिकारी मा. अभिजित राऊत साहेब यांचे अनमोल सहकार्य अतुलनिय आहे. वरिष्ठ वेतनश्रेणीचा लाभ लगेचच येणार्‍या पगारात देण्यात येणार असल्याचे राऊत साहेबांनी आश्वासन दिल्याने 31 जानेवारी 2019 अखेर पर्यंतचे आपले फरक बील काढण्यासाठी शिक्षक बांधवांना बरीच धावपळ करावी लागणार आहे. नेमकी हिच अडचण ओळखून शिक्षक बांधवांना मदत करण्यासाठी फरक बीलाची ही शीट तयार करण्यात आलेली आहे. 

फरक बीलाची ही शीट डाऊनलोड करण्यासाठी तसेच वापर करण्यासंदर्भातील सूचना वाचण्यासाठी खाली दिलेल्या बटणावर क्लिक करा..

Monday, 10 September 2018

पैसे कमवा ई- वॉलेटमधून

नमस्कार मित्रांनो,
आजकाल डिजीटल व्यवहार करणार्‍यांची संख्या खूप मोठ्या प्रमाणावर वाढत आहे. रिचार्ज, वीजबिल भरणे, डीटीएच रिचार्ज यासाठी आपल्याला दुकानात किंवा बँकेत जावे लागत नाही. त्यामुळे एक तर आपला वेळ वाचतो शिवाय घरबसल्या डिजीटल सुविधा वापरल्याचे समाधान देखील आपल्याला मिळते. यासाठी आपल्याला अनेक डिजिटल ई- वॉलेट माहित असतील. मी आज तुम्हाला अशा काही डिजीटल वॉलेटची माहिती सांगणार आहे की ज्याद्वारे व्यवहार करणे अत्यंत सोपे, सुरक्षित आहे. आणि जर आपण दुसर्‍यांना वॉलेट वापरण्यास प्रोत्साहित करत असाल तर त्या बदल्यात आपल्याला बक्षीस स्वरुपात काही रक्कम देखील मिळू शकते. चला तर मग पाहूया ई- वॉलेटमधून पैसे कसे कमावता येतात ते...

सविस्तर महितीसाठी खाली दिलेल्या Read More बटणावर क्लिक करा-



Sunday, 26 August 2018

पायाभूत चाचणी 2018-19 गुणनोंद व निकाल संकलन तक्ते

इयत्ता 2 री ते 8 वी संपूर्ण शाळेचा एकत्र निकाल तयार होणारे सॉफ्टवेअर मी तयार केलेले असून आपण वापरून पहा. हे सॉफ्टवेअर डाऊनलोड करण्यासाठी खाली दिलेल्या बटणावर क्लिक करा.





इयत्ता 2 री ते ८ वी सर्व विषय गुणनोंद व शाळास्तर निकाल संकलन तक्ते एक्सेल व PDF फॉरमॅट मध्ये उपलब्ध आहेत.

एक्सेल तक्ते वापरण्याचे फायदे-

१) युनिकोड मध्ये असल्याने कोणत्याही संगणकावर वापरता येतात.
२) फक्त विद्यार्थ्यांचे प्रश्न निहाय गुण भरल्यास श्रेणी आपोआप निघते.
३) विद्यार्थ्यांचे लिंग निवडण्यासाठी Dropdown लिस्ट आहे, त्यातून योग्य ते लिंग निवडावे, त्यामुळे वर्गाचा श्रेणीनिहाय व लिंगनिहाय गोषवारा आपोआप तयार होतो.
४) प्रोटेक्ट केलेले नसल्याने आपल्या गरजेनुसार बदल करू शकता.
५) एका वर्गाच्या ९० विद्यार्थ्यांसाठी वापर करता येईल.
६) आपल्या वर्गातील विद्यार्थी जर ९० पेक्षा कमी असतील तर मध्ये रिकाम्या राहणाऱ्या सर्व रो सिलेक्ट करून डिलिट कराव्यात.

Wednesday, 1 August 2018

शालेय पोषण आहार 5.1- एक्सेल सॉफ्टवेअर अपडेट

नमस्कार शिक्षक बंधू भगिनींनो !
मी या आगोदर तयार केलेले शालेय पोषण आहार एक्सेल सॉफ्टवेअर महाराष्ट्रातील असंख्य शिक्षक बंधू भगिनी वापरत आहेत, त्याबाबतचे आपले असंख्य अभिप्राय मी वाचले आहेत ! 

शालेय पोषण आहार 4.1 मध्ये मिरची पावडर, भाजीपाला, आणि पूरक आहार हे कॉलम वाढविण्याबाबात  अनेक फोन, मेसेज व मेल मला मिळाले होते. नवीन एक्सेल सॉफ्टवेअर 5.1 आपल्या हाती देताना विशेष आनंद होत आहे. या मध्ये आपल्या सर्व मागण्या पूर्ण करण्याचा प्रयत्न केलेला आहे. हे सॉफ्टवेअर देखील आपल्याला खूप आवडेल अशी खात्री आहे.

नवीन 5.1 अपडेटेड शीट बद्दल अधिक माहितीसाठी व शीट डाऊनलोड करण्यासाठी खाली दिलेल्या बटणावर  क्लिक करा.



Thursday, 14 June 2018

वेळापत्रक व तासिका विभागणी

या आगोदर आपण 45 तासिकांचे वेळापत्रक वापरत होतो परंतु 28 एप्रिल 2017 नंतर एक सुधरित परिपत्रक आले. या परिपत्रकानुसार 48 तासिका होणे बंधनकारक आहे. सोमवार ते गुरुवार 8 तासिका, शुक्रवार 9 तासिका तर शनिवार 7 तासिका होणे बंधनकारक असून त्यानुसारच वेळापत्रक तयार करावे लागणार आहे. या सुधारित परिपत्रकाप्रमाणे विषयवार तासिका विभागणी व वेळापत्रक पाहण्यासाठी खाली दिलेल्या बटणावर क्लिक करा.

Friday, 8 June 2018

शाळा सुरु होताना लागणारे कोरे फॉर्म

नविन शैक्षणिक वर्षाच्या आपल्या सर्वांना हार्दिक शुभेच्छा !!

या ठिकाणी शाळा सुरु होताच आपल्याला गरज पडणारे कोरे फॉर्म उपलब्ध करुन दिले आहेत. कोरे फॉर्म डाऊनलोड करण्यासाठी खाली दिलेल्या बटणावर क्लिक करा. 


वर दिलेल्या बटणावर क्लिक करुन  शाळेत नाव दाखल करण्याचा नमुना, बोनाफाईड दाखला, दाखला मागणी, शिक्षकांसाठी किरकोळ रजेचा अर्ज, मुख्याध्यापकांसाठी किरकोळ रजेचा अर्ज, दीर्घमुदत रजेचा अर्ज, किरकोळ रजा तक्ता, पालकांचा प्रतिज्ञालेख, चार्ज देवाण घेवाण हे कोरे फॉर्म आपण डाऊनलोड करु शकाल.


Thursday, 7 June 2018

वार्षिक नियोजन- इ. 1 ली ते 8 वी

प्रत्येक वर्गशिक्षकासाठी आवश्यक असणारे वार्षिक नियोजन पीडीएफ स्वरुपात उपलब्ध आहे. डाऊनलोड करण्यासाठी खाली दिलेल्या बटणावर क्लिक करा.



( टीप ः इ. 1 ली व 8 वी वार्षिक नियोजन जुन्या अभ्यासक्रमाचे असून लवकरच नविन वार्षिक नियोजन अपलोड केले जाईल )